«Jalga» мемлекеттік мүлікті жалға беру сервисі (бұдан әрі – Сервис) Қазақстан Республикасы Ұлттық экономика министрінің 2015 жылғы 17 наурыздағы № 212 бұйрығымен бекітілген мүлікті мүліктік жалдауға (жалға алуға) беру қағидаларына сәйкес мемлекеттік меншік объектілерін жалға беруге тендерлерді ұйымдастыруға және өткізуге арналған.

Бұдан басқа, мемлекеттік мүлікті жалға алушылар Сервис арқылы олармен жасалған мүліктік жалдау (жалға алу) шарттары бойынша, оның ішінде шарттың талаптары, осындай шарт бойынша есептеулер, өсімпұл және мемлекеттік бюджетке түскен төлемдер бойынша ақпаратты көре алады.

Жалға берушіге (мемлекеттік мүлік жөніндегі уәкілетті орган немесе жергілікті атқарушы орган (жергілікті бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты, сондай-ақ аталған әкімдер), Бірыңғай операторымен электрондық қызметтер көрсету туралы шарт жасасқан жағдайда. Қолжетімділік заңды тұлғаның электрондық цифрлық қолтаңбасына енгізілген БСН бойынша автоматты түрде беріледі.

Баланс ұстаушыға (жалға берілетін объект жедел басқару құқығында немесе шаруашылық жүргізу құқығында бекітілген мемлекеттік заңды тұлға). Қолжетімділік заңды тұлғаның электрондық цифрлық қолтаңбасына енгізілген БСН бойынша автоматты түрде беріледі.

Жалға алушыларға (жеке және мемлекеттік емес заңды тұлғалар) — e-Qazyna.kz мемлекеттік мүлік тізілімі веб-порталында Қазақстанның Ұлттық куәландырушы орталығы берген электрондық цифрлық қолтаңбаны пайдалана отырып Пайдаланушы келісіміне қол қойған жағдайда.

Сервиске қолжетімділікті «Ақпараттық-есепке алу орталығы» акционерлік қоғамы қамтамасыз етеді, ол мемлекеттік мүлікті есепке алу саласындағы Бірыңғай оператор ретінде Қазақстан Республикасы Үкіметінің 2011 жылғы 15 шілдедегі № 802 қаулысымен айқындалған.

• Мемлекеттік мүлік туралы
  Қазақстан Республикасының 2011 жылғы 1 наурыздағы № 413-IV ҚРЗ Заңы (үзінділер)

  ---

• Мемлекеттік мүлікті мүліктік жалдауға (жалға алуға) беру қағидаларын бекіту туралы
  Қазақстан Республикасы Ұлттық экономика министрінің 2015 жылғы 17 наурыздағы № 212 бұйрығы. Қазақстан Республикасы Әділет министрлігінде 2015 жылғы 17 наурызда № 10467 болып тіркелді

  ---

• Мемлекеттік мүлікті мүліктік жалдаудың (жалға берудің) үлгілік шартын бекіту туралы
  Қазақстан Республикасы Ұлттық экономика министрінің 2015 жылғы 17 наурыздағы № 211 бұйрығы. Қазақстан Республикасы Әділет министрлігінде 2015 жылғы 17 наурызда № 10479 болып тіркелді

  ---

• Өндірістік қызметті ұйымдастыру және халыққа қызметтер көрсету саласын дамыту үшін мемлекеттік меншіктің пайдаланылмайтын объектілерін және олардың алып жатқан жер учаскелерін кейіннен меншікке өтеусіз бере отырып, шағын және орта кәсіпкерлік субъектілеріне мүліктік жалға (жалдауға) немесе сенімгерлік басқаруға беру қағидаларын бекіту туралы
  Қазақстан Республикасы Ұлттық экономика министрінің 2023 жылғы 16 маусымдағы № 115 бұйрығы. Қазақстан Республикасы Әділет министрлігінде 2023 жылғы 16 маусымда № 32833 болып тіркелді

  ---

• Мемлекет меншігіндегі су шаруашылығы құрылысжайларын мүліктік жалдауға (жалға) немесе сенімгерлік басқаруға беру қағидаларын бекіту туралы
  Қазақстан Республикасы Су ресурстары және ирригация министрінің 2025 жылғы 13 тамыздағы № 197-НҚ бұйрығы. Қазақстан Республикасының Әділет министрлігінде 2025 жылғы 20 тамызда № 36628 болып тіркелді

  ---

• Слайдтар - «Жалға» мемлекеттік мүлікті жалға беру қызметі