1. Өтініш объектінің атауын, оның баланс ұстаушысын, сондай-ақ заңды немесе жеке тұлға өкілінің өкілеттігін куәландыратын құжаттың (сенімхаттың) көшірмесін (сканерленген) қоса бере отырып, объектіге қажеттілік негіздемесін көрсете отырып, тізілімнің веб-порталында электрондық нысанда ресімделеді. Тізілімнің Веб-порталы өнім берушілерге мемлекеттік мүлікті (Үй-жайлар мен жабдықтарды) беруді көздейтін шарттарда көрсетілген қатысушылардың ғана өтінімдерін қабылдайды.

2. Бірінші өтінім келіп түскен күннен бастап объектінің мәртебесін тізілімнің веб-порталы "жалға берушінің өтінімдерді қарауы" деп өзгертеді.

3. Жалға беруші өтінімді тізілімнің веб-порталы арқылы ашады және Қазақстан Республикасы Ұлттық экономика министрінің 2015 жылғы 17 наурыздағы № 212 бұйрығымен бекітілген мемлекеттік мүлікті мүліктік жалдауға (жалға алуға) беру қағидаларының 11-тармағына сәйкес төмендегі шешімдердің бірін қабылдайды: 1) өтінім берген жалғыз тұлғамен шарт жасасу жолымен объектіні мүліктік жалдауға (жалға алуға) беру туралы; 2) өтінім берген жалғыз тұлғаға объектіні мүліктік жалға беруден бас тарту туралы (Жалға беруші объектінің заңды тағдыры бойынша өзге шешім қабылдаған жағдайда; өтінімде көрсетілген объектінің Қағидалардың 7-тармағының талаптарына сәйкес келмеуі.

4. Жалға берушінің шешімі тізілімнің веб-порталы автоматты түрде қалыптастыратын және алғашқы өтінім түскен күннен бастап 5 жұмыс күні ішінде ЭЦҚ пайдалана отырып жалға беруші қол қоятын объектіні мүліктік жалдауға (жалға алуға) беруге өтінімдерді қарау нәтижелері туралы хабарламамен ресімделеді.

5. Жалдаушымен (өтінім берген жалғыз тұлғамен) шартты жалға беруші тізілімнің веб-порталында электрондық форматта жасайды және оған мүліктік жалдауға (жалға алуға) беру туралы шешім қабылданған күннен бастап бес жұмыс күні ішінде ЭЦҚ-ны пайдалана отырып жалға беруші мен жалдаушы қол қояды. Объект үшін жалдау ақысының мөлшерлемесін есептеуді жалға беруші Ереженің 5-тарауына сәйкес жүргізеді.